SÍSL

K-PALS LÆSI

K-PALS aðferðin var þróuð í Peabody College við Vanderbilt University í Tennessee-fylki í Bandaríkjunum. Markmiðið með aðferðinni er að gefa kennurum kost á að þjálfa samtímis hóp af börnum í stafaþekkingu, lestri eða stærðfræði með jafningjamiðlaðri nálgun (félagakennslu).

Í handbókinni er að finna allar þær upplýsingar sem kennarar þurfa á að halda til að beita aðferðum K-PALS við læsiskennslu í leikskóla. Bókin hefst á stuttu yfirliti, ásamt lýsingu á hlutverkum þjálfara og lesara. Einnig er lýst þeim atriðum sem eru á ábyrgðarsviði kennarans, til dæmis að para saman börnin, hvetja þau með stigagjöf og laga verkefnin að börnunum.

Meginhluti bókarinnar inniheldur síðan verkefni
hverrar kennslustundar ásamt nákvæmum leiðbeiningum um hvernig best er að leggja þau fyrir.
 

Viðaukar innihalda K-PALS reglur, K-PALS vinnureglur, skráningarblað, stigablað, K-PALS leiðréttingarferli, yfirlit yfir hljóðaleiki og yfirlit yfir umskráningu.
 

K-PALS kennurum er eindregið ráðlagt að skoða kennslu-leiðbeiningarnar vel áður en verkefni eru lögð fyrir börnin.

Það hentar börnum á öllum getustigum, einnig börnum með námsörðugleika og þeim sem læra íslensku sem annað tungumál. K-PALS lestrarþjálfun hefur einnig reynst vel fyrir fullorðna sem eru að læra að lesa á íslensku.